1.6k
Shares
भाद्र ३, सुदुरपश्चिम, बझाङ । बझाङमा अविरल वर्षासँगै आएको पहिरोले पुरिएर चारजनाको मृत्यु भएको छ । तर सोहि घटनामा ६ जनाले भने भागेर ज्यान जोगाएका छन् ।
बझाङ जिल्लाको बुङ्गल नगरपालिका–१० टुमेडामा गएराति वीरा धामीको घर माथिबाट आएको पहिरोले पुरिएर बेपत्ता भएका चारजनाको शव आज बिहान निकालिएको जनाइएको छ ।
पहिरोमा परि मृत्यु हुनेमा एकै परिवारका ५५ वर्षीया काली धामी, २५ वर्षीया गोल्की धामी, ६ वर्षीया आकृति धामी र ३ वर्षीया लक्ष्मी धामी छन् ।