नयाँ बानेश्वरमा महिला प्रहरीमाथि हातपात गर्ने युवक पक्राउ

1.1k Shares

काठमाडौं । काठमाडौंको नयाँ बानेश्वरमा डिउटीमा खटिएकी महिला प्रहरी जवानमाथि हातपात गरेको आरोपमा एक युवक पक्राउ परेका छन् ।

पक्राउ पर्नेमा जुम्लाको तातोपानी गाउँपालिका–२ घर भई काठमाडौं महानगरपालिका–१० बानेश्वरमा बस्दै आएका २७ वर्षीय राज कठायत रहेका छन् ।

प्रहरीका अनुसार मंगलबार बिहान बानेश्वर क्षेत्रमा डिउटीमा खटिएकी महिला प्रहरी जवानले कठायतलाई जथाभावी रूपमा सडक पार नगर्न आग्रह गरेकी थिइन् । सोही विषयलाई लिएर कठायतले प्रहरी जवानमाथि नै हातपात गरेको आरोप छ ।

घटनापछि प्रहरीले कठायतलाई बानेश्वर क्षेत्रबाटै पक्राउ गरेको हो ।

कठायतमाथि घटनाबारे थप अनुसन्धान भइरहेको जिल्ला प्रहरी कार्यालय काठमाडौंका एसपी दानबहादुर थापाले जानकारी दिए ।

सम्बन्धित समाचार