काभ्रेमा साउनभर ७४ अपराध, ७६ जनामाथि प्रहरी कारबाही
925
Shares
काभ्रेमा साउन महिनामा मात्रै ७४ वटा आपराधिक घटना भएका छन्। ती घटनामा संलग्न भएको आरोपमा प्रहरीले ७६ जनालाई पक्राउ गरेको छ।
जिल्ला प्रहरी कार्यालय काभ्रेका अनुसार साउनभर विभिन्न प्रकृतिका आपराधिक गतिविधि भएको र प्रहरीले अनुसन्धान तथा कारबाहीलाई तीव्रता दिएको हो। पक्राउ परेकामध्ये केहीमाथि अनुसन्धान भइरहेको प्रहरीले जनाएको छ।
प्रहरीका अनुसार जिल्लामा चोरी, कुटपिट, लागुऔषध, घरेलु हिंसा तथा अन्य आपराधिक गतिविधिसँग सम्बन्धित घटना दर्ता भएका छन्। घटनाको अनुसन्धान गर्दै दोषीलाई कानुनी दायरामा ल्याउने काम भइरहेको प्रहरीको भनाइ छ।
प्रहरीले आपराधिक गतिविधि नियन्त्रणका लागि नियमित गस्ती, निगरानी तथा समुदायसँगको समन्वयलाई प्राथमिकता दिएको जनाएको छ। साथै, कुनै पनि शंकास्पद गतिविधि देखिए तत्काल प्रहरीलाई जानकारी गराउन सर्वसाधारणलाई आग्रह गरिएको छ।