विशेष अदालतको आदेश : भट्ट र अग्रवाल पुर्पक्षका लागि थुनामा

1.3k Shares

काठमाडौं । विशेष अदालतले सम्पत्ति शुद्धीकरण (मनी लाउन्डरिङ) मुद्दामा व्यवसायी दीपक भट्ट र सुलभ अग्रवाललाई पुर्पक्षका लागि थुनामा पठाउने आदेश दिएको छ।

अदालतका अध्यक्ष सुदर्शनदेव भट्ट तथा सदस्य न्यायाधीशहरू उमेश कोइराला र विदुर कोइरालाको इजलासले उनीहरूलाई अन्तिम सुनुवाइ नभएसम्म कारागारमै राख्ने आदेश दिएको हो।

उनीहरूमाथि ठूलो रकम (अर्बौँ रुपैयाँ) बिगो दाबी गरिएको सम्पत्ति शुद्धीकरण मुद्दा दायर भएको थियो। अनुसन्धानपछि बयान र थुनछेक बहस सकेर अदालतले पुर्पक्षका लागि थुनामा पठाउने निर्णय गरेको हो।

अग्रवालको स्वास्थ्य उपचारको व्यवस्था गर्न पनि आदेशमा उल्लेख गरिएको छ।

योसँगै दुवै जना मुद्दाको अन्तिम टुंगो नलागेसम्म कारागारमै रहनेछन्।

सम्बन्धित समाचार