साताका ७ तस्बिर : बाढीको पीडादेखि राजनीतिक गतिविधिसम्म

631 Shares

काठमाडौं । देशभर गत साता विभिन्न राजनीतिक, सामाजिक, सांस्कृतिक तथा प्राकृतिक घटनाक्रमहरू भए। ती घटनाक्रमले नेपाली समाजको दैनिकी, जनजीवन र समसामयिक अवस्थालाई चित्रण गरेका छन्।

रातोपाटीको नियमित साप्ताहिक प्रस्तुति ‘साताका ७ तस्बिर’मा गत साताका सात प्रमुख घटनालाई तस्बिरमार्फत समेटिएको छ।

१. बाढीले टुटाएको सम्बन्ध जोड्दै त्रिशूलीको झोलुङ्गे पुल


 
 
 
 

बाढीले क्षति पुर्‍याएको त्रिशूली नदीमाथिको झोलुङ्गे पुल पुनः सञ्चालनमा आएपछि नदी वारपार गर्न स्थानीयलाई सहज भएको छ। बाढीका कारण टुटेको आवागमन सम्बन्ध पुनः जोडिन थालेको छ।

२. आरुघाट पुलमा बेलीब्रिज जडान


 
 
 

बुढीगण्डकी नदीमा आएको बाढीले क्षति पुर्‍याएको गोरखा र धादिङ जोड्ने आरुघाट पुलको क्षतिग्रस्त भागमा बेलीब्रिज जडान गरिएको छ। पुल सञ्चालनमा आएपछि स्थानीयको आवागमन तथा यातायातमा सहजता आउने अपेक्षा गरिएको छ।

३. तलेजु भवानी मन्दिर खुल्दा भक्तजनको भीड


 
 
 

विजयादशमीको अवसरमा सर्वसाधारणका लागि खुला गरिएको काठमाडौंको तलेजु भवानी मन्दिरमा दर्शनार्थीको भीड लागेको छ। वर्षमा विशेष अवसरमा मात्र खुल्ने मन्दिरमा भक्तजनको उल्लेख्य उपस्थिति देखिएको थियो।

४. दसैँको टीका लगाएर विदेशिने नेपाली


 
 
 

दसैँमा परिवार र आफन्तसँग टीका तथा आशीर्वाद ग्रहण गरेपछि रोजगारी र अध्ययनका लागि विदेशिने नेपालीको चहलपहल बढेको छ। परिवारबाट बिदाइ हुँदै विदेशिने नेपालीका आँखामा खुसीसँगै बिछोडको पीडा पनि देखिएको छ।

५. बाढीको छायामा स्थिरता खोजिरहेका खाल्टेका विस्थापित

रसुवाको बाढीबाट प्रभावित खाल्टेका विस्थापित परिवार अझै सुरक्षित आवासको खोजीमा छन्। बाढीले घरबास गुमाएका स्थानीय अस्थायी बसोबासमा दिन बिताउँदै पुनः आफ्नो घरजस्तो सुरक्षित आश्रयस्थल बनाउने प्रयासमा जुटेका छन्।

६. काठमाडौंमा बढ्दै सवारी चाप

दसैँ बिदापछि काठमाडौं उपत्यकामा सर्वसाधारणको आवागमन बढेसँगै सडकमा सवारी चाप पनि बढेको छ। मुख्य सडक तथा चोकहरूमा सवारीसाधनको भीड देखिन थालेको छ।

७. नेकपाको दुईमहिने राष्ट्रिय जागरण अभियान उद्घाटन


नेपाली कम्युनिस्ट पार्टी (नेकपा) ले दुईमहिने राष्ट्रिय जागरण अभियान सुरु गरेको छ। पार्टी केन्द्रीय कार्यालय पेरिसडाँडामा आयोजित कार्यक्रममा संयोजक पुष्पकमल दाहालले अभियानको उद्घाटन गरेका थिए।

देशभरका यी सात घटनाक्रमले गत साताको राजनीतिक गतिविधि, प्राकृतिक विपद्, सांस्कृतिक परम्परा र आम नागरिकको जनजीवनलाई प्रतिनिधित्व गरेका छन्।

सम्बन्धित समाचार