आरुघाटमा बेलिब्रिज जडानपछि गोरखा–धादिङ सडक सम्पर्क पुनः सञ्चालन

890 Shares
  1. गोरखा । बुढीगण्डकी नदीमा आएको बाढीले पुलमा क्षति पुर्‍याएपछि अवरुद्ध बनेको गोरखा र धादिङ जोड्ने आरुघाटको सडक सम्पर्क पुनः सञ्चालनमा आएको छ। नेपाली सेनाले क्षतिग्रस्त पुलको स्थानमा बेलिब्रिज जडान गरेपछि आवागमन सहज बनेको हो।

    गत असोज २५ गते बुढीगण्डकी नदीमा आएको बाढीले आरुघाटस्थित पक्की पुलको गोरखातर्फको २२ मिटर खण्ड बगाएको थियो। पुलमा क्षति पुगेपछि गोरखा र धादिङबीचको नियमित यातायात सेवा प्रभावित भएको थियो।

    बाढीले क्षति पुर्‍याएको स्थानमा नेपाली सेनाले बेलिब्रिज जडान गरेपछि सडक सम्पर्क पुनः स्थापित भएको हो। हाल उक्त पुलबाट मोटरसाइकल तथा पैदलयात्रीलाई आवतजावत गर्न दिइएको छ।

    भौतिक पूर्वाधारमन्त्री सुनिल लम्सालका अनुसार बुधबारदेखि अन्य सवारीसाधनसमेत सञ्चालन गर्न सकिनेछ।

    बेलिब्रिज निर्माणसँगै बाढीका कारण अवरुद्ध बनेको गोरखा–धादिङ सडक सम्पर्क पुनः सञ्चालनमा आएको छ। यसले दुई जिल्लाबीच आवतजावत गर्ने स्थानीय बासिन्दा तथा यात्रुलाई राहत पुग्ने अपेक्षा गरिएको छ।

     
     
     
     
सम्बन्धित समाचार