1.5k
Shares
गोरखा । बूढीगण्डकी नदीमा आएको आकस्मिक बाढीको जोखिम बढेपछि गोरखाको आरुघाट बजार खाली गराइएको छ। नदीको जलसतह बढ्दै गएपछि सम्भावित जोखिमलाई मध्यनजर गर्दै स्थानीय बासिन्दालाई सुरक्षित स्थानतर्फ सारिएको हो।
यसअघि गोरखाको चुमनुब्री गाउँपालिका क्षेत्रमा आएको बाढीले ठूलो क्षति पुर्याएको छ। पैयू र बगर गाउँका ३५ घर बगाएको तथा दोभान, घट्टेखोला, जगत् र सल्लेरीलगायत क्षेत्रमा व्यापक क्षति भएको विवरण सार्वजनिक भएको छ। बाढीको कारणबारे प्रारम्भिक रूपमा माथिल्लो क्षेत्रमा पहिरोले नदीको बहाव थुनेर पछि एक्कासि खुलेको हुन सक्ने आशंका गरिएको छ।