काठमाडौं । जापानमा जारी २०औँ एसियाली खेलकुद (एसियाड) मा नेपालले पहिलो पदक जितेको छ। कराते खेलाडी तेन्जिङ शेर्पाले पुरुष कुमिते ८४ केजी तौल समूहमा कास्य पदक जित्दै नेपाललाई जारी प्रतियोगिताको पहिलो पदक दिलाएका हुन्।
बुधबार भएको कास्य पदकका लागि प्रतिस्पर्धामा तेन्जिङले लाओसका वाथाना जायासनलाई ९–१ अंकले पराजित गरे। सुरुदेखि नै आक्रामक खेल प्रदर्शन गरेका तेन्जिङले स्पष्ट अन्तरका साथ खेल आफ्नो पक्षमा पार्दै पदक सुनिश्चित गरेका हुन्।
यसअघि सेमिफाइनलमा तेन्जिङ इरानका महमुद नेमातीसँग ५–० ले पराजित भएका थिए। सेमिफाइनलमा पराजित भएपछि उनले कास्य पदकका लागि प्रतिस्पर्धा गरेका थिए।
तेन्जिङको कास्यसँगै नेपालले एसियाडमा आफ्नो पदकको खाता खोलेको हो। यसअघि नेपाली खेलाडीहरूले विभिन्न खेलमा प्रतिस्पर्धा गरे पनि पदक जित्न सकेका थिएनन्। करातेबाट नेपालले एसियाली खेलकुदमा यसअघि पनि पदक जित्दै आएको छ।
तेन्जिङको सफलताले जारी एसियाडमा नेपालको पदक अभियानलाई अगाडि बढाएको छ।