राष्ट्रपति पौडेल र कार्यवाहक प्रधानमन्त्री वाग्लेबिच समसामयिक विषयमा छलफल

757 Shares

काठमाडौँ । राष्ट्रपति रामचन्द्र पौडेल र कार्यवाहक प्रधानमन्त्री एवम् अर्थमन्त्री डा. स्वर्णिम वाग्लेबिच भेटवार्ता भएको छ। राष्ट्रपति भवन शीतल निवासमा बुधबार बिहान भएको भेटमा मुलुकको समसामयिक विषयमा छलफल भएको राष्ट्रपतिको स्वकीय सचिवालयले जनाएको छ।

प्रधानमन्त्री वालेन्द्र शाह संयुक्त राष्ट्रसंघको महासभामा सहभागी हुन अमेरिका प्रस्थान गरेपछि अर्थमन्त्री वाग्लेलाई कार्यवाहक प्रधानमन्त्रीको जिम्मेवारी दिइएको हो। कार्यवाहक प्रधानमन्त्रीको जिम्मेवारी सम्हालेको भोलिपल्टै वाग्ले राष्ट्रपति पौडेललाई भेट्न शीतल निवास पुगेका हुन्।

भेटमा देशको पछिल्लो राजनीतिक तथा समसामयिक अवस्था, सरकारका नियमित कामकारबाहीलगायत विषयमा कुराकानी भएको बताइएको छ।

प्रधानमन्त्री शाहको अनुपस्थितिमा कार्यवाहक प्रधानमन्त्रीको जिम्मेवारीमा रहेका वाग्लेले सरकारका नियमित प्रशासनिक तथा आर्थिक गतिविधिको समन्वय गर्नेछन्। राष्ट्रपति र कार्यवाहक प्रधानमन्त्रीबिचको भेटलाई संवैधानिक तथा सरकारी कामकारबाहीका विषयमा भएको नियमित छलफलका रूपमा लिइएको छ।

सम्बन्धित समाचार