टिमुरेमा भेटिएका ४ शवको पहिचान खुल्यो, मोबाइलबाट मृतकको विवरण पत्ता लाग्यो

953 Shares

काठमाडौं । रसुवाको टिमुरे क्षेत्रमा भेटिएका चारवटा शवको पहिचान खुलेको छ। मृतकको साथमा रहेको मोबाइल फोन तथा त्यसबाट प्राप्त विवरणका आधारमा उनीहरूको पहिचान भएको हो।

टिमुरे क्षेत्रमा आएको बाढी तथा पहिरोपछि बेपत्ता भएकाहरूको खोजी गर्ने क्रममा चारवटा शव फेला परेका थिए। शवको अवस्था र पहिचान गर्न कठिनाइ भइरहेका बेला मृतकमध्ये एक जनाको मोबाइल फोनबाट प्राप्त सूचनाले उनीहरूको पहिचान गर्न सहयोग पुगेको हो।

प्रहरी तथा उद्धार टोलीले शवको पहिचानसँगै सम्बन्धित परिवारलाई जानकारी गराउने र आवश्यक कानुनी प्रक्रिया अघि बढाउने काम गरिरहेको जनाएको छ।

रसुवाको टिमुरे तथा आसपासका क्षेत्रमा आएको विपद्का कारण ठूलो जनधनको क्षति भएको छ। अझै केही व्यक्ति सम्पर्कविहीन रहेकाले खोजी तथा उद्धार कार्य जारी रहेको बताइएको छ।

सम्बन्धित समाचार