काठमाडौँ । रसुवाको भोटेकोसी नदीमा आएको विनाशकारी बाढीमा ज्यान गुमाएकाहरूको सम्मानमा आज देशभर राष्ट्रिय शोक मनाइँदै छ। सरकारले सरकारी कार्यालय तथा विदेशस्थित नेपाली दूतावास र नियोगहरूमा राष्ट्रिय झण्डा आधा झुकाउने निर्णय गरेको छ।
गत बिहीबार बसेको मन्त्रिपरिषद् बैठकले आज राष्ट्रिय शोक मनाउने निर्णय गरेको थियो। सरकारका प्रवक्ता एवं शिक्षा तथा खेलकुदमन्त्री सस्मित पोखरेलले सरकारी कार्यालय र विदेशस्थित नेपाली नियोगमा झण्डा आधा झुकाइने जानकारी दिएका छन्।
यही भदौ १० गते रसुवाको भोटेकोसी हुँदै त्रिशूली र नारायणी नदीमा आएको बाढीमा परी अहिलेसम्म १ हजार ३३९ जनाको मृत्यु भएको छ भने ४ हजारभन्दा बढी मानिस बेपत्ता छन्। बाढीले ठूलो भौतिक क्षति पनि पुर्याएको छ।
सरकारले विपत्तिमा ज्यान गुमाएकाहरूको सम्मानमा राष्ट्रिय शोक मनाउने निर्णय गरेको हो।