रसुवा बाढी : शव पहिचानका लागि आफन्तले यसरी दिन सक्छन् डीएनए नमुना

911 Shares

काठमाडौँ । रसुवा बाढीमा बेपत्ता भएका आफन्तको खोजीमा रहेकाहरूले फेला परेका शव तथा शरीरका अंगको पहिचानका लागि डीएनए परीक्षण गर्न नमुना दिन सक्ने भएका छन्। नेपाल प्रहरीले डीएनए परीक्षणका लागि तोकिएको स्थानमा सम्पर्क गर्न आग्रह गरेको छ। 

प्रहरीका अनुसार डीएनए परीक्षणका लागि रगतको नाता पर्ने आफन्तको रगतको नमुना आवश्यक हुन्छ। यस्तो नमुना लिएर आफन्तहरूले महाराजगञ्जस्थित नेपाल प्रहरी अस्पतालको प्रयोगशाला वा नजिकको जिल्ला प्रहरी कार्यालयमा सम्पर्क गर्न सक्नेछन्। नमुना दिने व्यक्तिको दुई प्रति पासपोर्ट साइजको फोटो पनि आवश्यक पर्ने प्रहरीले जनाएको छ।

विदेशमा रहेका आफन्तले कसरी दिने ?

बेपत्ता व्यक्तिका नजिकका आफन्त विदेशमा रहेको अवस्थामा पनि डीएनए परीक्षणमा सहभागी हुन सक्ने व्यवस्था गरिएको छ। विदेशमा रहेका बाबु, आमा, छोरा वा छोरीमध्ये कुनै एक जनाले त्यहीँ डीएनए प्रोफाइलिङ गराएर त्यसको सफ्टकपी नेपाल पठाउन सक्ने प्रहरीले जनाएको छ।

विदेशमा तयार गरिएको डीएनए प्रोफाइलिङको सफ्टकपी नेपाल प्रहरीको [email protected] इमेल ठेगानामा पठाउन प्रहरीले अनुरोध गरेको छ।

रसुवा बाढीमा हालसम्म ९०० भन्दा बढी शव फेला परिसकेको र ४ हजारभन्दा बढी व्यक्ति हराइरहेको विवरण समाचारमा उल्लेख छ। बेवारिसे अवस्थामा फेला परेका शव तथा शरीरका अंगको वैज्ञानिक परीक्षणमार्फत पहिचान गर्न डीएनए परीक्षणलाई महत्वपूर्ण माध्यमका रूपमा प्रयोग गर्न लागिएको हो।

सम्बन्धित समाचार