२ भदौ, हेटौंडा । हेटौंडा–काठमाडौं जोड्ने छोटो मार्गअन्तर्गत मकवानपुरको भीमफेदी गाउँपालिका–६ जुरिखेतमा जिप दुर्घटना भएको छ ।
प्रहरीका अनुसार जिप सडकबाट भिरमा खसेको हो । दुर्घटनामा जिपमा ६ जना सवार रहेको प्रारम्भिक जानकारी प्राप्त भएको छ ।
दुर्घटनाको जानकारी पाएलगत्तै भीमफेदी इलाका प्रहरी कार्यालयबाट प्रहरी टोली घटनास्थलतर्फ परिचालन गरिएको छ । प्रहरी टोलीले घटनास्थलमा पुगेर उद्धार कार्य अघि बढाएको जनाएको छ ।
दुर्घटनामा मानवीय क्षति भए/नभएको तथा घाइतेको अवस्थाबारे यकिन विवरण आउन बाँकी रहेको प्रहरीले जनाएको छ ।
दुर्घटनाको कारणसमेत खुल्न सकेको छैन । घटनाबारे थप विवरण संकलन भइरहेको प्रहरीले जनाएको छ ।