स्वास्थ्य बीमा सेवा व्यवस्थित गर्न राप्ती प्रतिष्ठानमा थपियो ओपीडी टिकट काउन्टर

1.6k Shares

राप्ती स्वास्थ्य विज्ञान प्रतिष्ठानमा स्वास्थ्य बीमा सेवा लिने बिरामीको चापलाई व्यवस्थित गर्न थप ओपीडी टिकट काउन्टर सञ्चालनमा ल्याइएको छ।

स्वास्थ्य बीमामार्फत उपचारका लागि आउने बिरामीले टिकट लिन लामो समय कुर्नुपर्ने समस्या देखिएपछि प्रतिष्ठानले काउन्टर थप गरेको हो। नयाँ काउन्टर थपिएसँगै बिरामीलाई सहज र छिटो सेवा उपलब्ध हुने प्रतिष्ठानको अपेक्षा छ।

स्वास्थ्य बीमा सेवाअन्तर्गत दैनिक ठूलो संख्यामा बिरामी उपचारका लागि प्रतिष्ठानमा आउने गरेका छन्। टिकट लिन र सेवा प्राप्त गर्न हुने भीडका कारण सेवाग्राहीले सास्ती खेप्नुपरेको गुनासो बढेपछि काउन्टर थप गरिएको प्रतिष्ठानले जनाएको छ।

नयाँ व्यवस्थाले ओपीडी टिकट वितरणलाई व्यवस्थित गर्नुका साथै स्वास्थ्य बीमा सेवामा देखिने भीड र समयको समस्या कम हुने विश्वास गरिएको छ। प्रतिष्ठानले बिरामीलाई सहज, छरितो र प्रभावकारी स्वास्थ्य सेवा उपलब्ध गराउन सेवा प्रणालीमा आवश्यक सुधार गर्दै जाने जनाएको छ।

सम्बन्धित समाचार