निजगढ पुगेर गृहमन्त्रीले भेटे मिटरब्याज पीडित, समस्या समाधानमा सरकार प्रतिबद्ध
1.4k
Shares
काठमाडौं । गृहमन्त्रीले काठमाडौंतर्फ पैदल मार्च गरिरहेका मिटरब्याज पीडितलाई भेट्न बाराको निजगढ पुगेर उनीहरूको माग र समस्याबारे छलफल गरेका छन् ।
जनकपुरबाट न्याय मार्च सुरु गर्दै काठमाडौंतर्फ आउँदै गरेका पीडितसँग गृहमन्त्रीले प्रत्यक्ष भेटघाट गर्दै सरकार उनीहरूको समस्याप्रति गम्भीर रहेको र समाधानका लागि आवश्यक पहल गरिरहेको बताएका छन् ।
पछिल्ला दिनमा सयौं मिटरब्याज पीडित सरकारसँग विगतका सहमति कार्यान्वयन गर्न माग गर्दै पैदल यात्रा गरिरहेका छन् । भेटका क्रममा पीडितहरूले विगतमा भएका सहमति कार्यान्वयन, झुटा तमसुक खारेजी, मिटरब्याजसम्बन्धी प्रभावकारी कानुनी व्यवस्था र पीडितलाई न्याय सुनिश्चित गर्न सरकारसँग माग दोहोर्याएका थिए ।
गृहमन्त्रीले पीडितका जायज मागप्रति सरकार सकारात्मक रहेको उल्लेख गर्दै संवाद र कानुनी प्रक्रियामार्फत समस्या समाधान गर्ने प्रतिबद्धता व्यक्त गरेका छन् । सरकार र पीडितबीच निरन्तर संवाद आवश्यक रहेकोमा पनि उनले जोड दिएका छन् ।