‘फेक न्युज’ फैलाएर चरित्रहत्या गर्न खोजियो : पूर्वमन्त्री खरेल

1.7k Shares

काठमाडौं । पूर्वसञ्चारमन्त्री तथा राष्ट्रिय स्वतन्त्र पार्टी (रास्वपा) का सांसद जगदीश खरेलले आफूविरुद्ध नियोजित रूपमा ‘फेक न्युज’ फैलाइएको भन्दै कानुनी उपचार खोज्ने बताएका छन् ।

खरेलले सामाजिक सञ्जालमार्फत प्रतिक्रिया जनाउँदै केही सञ्चारमाध्यम र सामाजिक सञ्जालमा आफ्नो नाम जोडेर भ्रम फैलाउने प्रयास भएको बताएका हुन् ।

उनले अहिले आफू कार्यक्रमका सिलसिलामा स्विट्जरल्याण्डमा रहेको उल्लेख गर्दै कुनै गलत काम नगरेकाले डराउनुपर्ने अवस्था नरहेको बताएका छन् ।

‘यस्ता भ्रामक, नियोजित तथा कपोलकल्पित समाचारले मेरो चरित्र र राजनीतिक भविष्यमा असर पार्छ भनेर नसोचे हुन्छ,’ उनले भनेका छन् । साथै उनले आफूविरुद्ध फैलाइएका सामग्रीबारे कानुनी प्रक्रिया अगाडि बढाउने चेतावनीसमेत दिएका छन् ।

 
 
सम्बन्धित समाचार