काठमाडौं, १४ जेठ । प्रधानमन्त्री केपी शर्मा ओलीले विपक्षी दलका नेता पुष्पकमल दाहाललाई फोन गरेर सदनको अवरोध खोल्न आग्रह गरेका छन् । भिजिट भिसा प्रकरणमा सदन अवरोध जारी छ । हिजो नै विपक्षी दलहरुले गृहमन्त्री रमेश लेखकको राजीनामा मागेर सदन अवरोध गरेका हुन् ।
उनीहरुले राजीनामा नआएसम्म अवरोध खोल्न नसकिने बटमलाईन राखेका छन् । यही सन्दर्भमा प्रधानमन्त्री ओलीले सदनको अवरोध खुलाउनको लागि विपक्षी दलका नेता प्रचण्डलाई फोन गरेको माओवादी केन्द्रका सांसद माधव सापकोटाले खुलासा गरे । तर, प्रचण्डले गृहमन्त्रीको राजीनामा नआएसम्म सदनको अवरोध नखोल्ने आफूहरुको बटमलाईन सुनाएका छन् ।
विपक्षी दलहरुको बैठकमा सहभागी आम जनता पार्टीका अध्यक्ष प्रभु साहले प्रधानमन्त्री ओलीलाई प्रचण्डले गृहमन्त्रीको राजीनामा गराएर सदनमा जानकारी गराउन जवाफ दिएको बताए ।