1.6k
Shares
काठमाडौं, १५ कार्तिक । उर्जामन्त्री दीपक खड्काले विद्युत बक्यौताको २०७२ सालदेखि थाती रहेको समस्या समाधानतर्फ अघि डोर्याएका छन् । उद्योगपति र नेपाल विद्युत् प्राधिकरणका प्रवन्ध निर्देशक कुलमान घिसिङ आमनेसामने भैरहेको बेलामा मन्त्री खड्काले मध्यमार्गी बाटो अपनाएका छन् ।
हिजो बोर्डको बैठक राखेर मन्त्री खड्काले उद्योगपतिहरुलाई बक्यौताको ५ प्रतिशत बैंक ग्यारेन्टी राखेर पुनरावलोकनमा जाने व्यवस्था गरेका हुन् । यसअघि जम्मा २८ किस्तामा बक्यौता तिर्नुपर्ने भनिएको थियो । त्यसलाई पनि दोब्बर बनाएर ५६ किस्तामा तिर्ने सुविधा प्रदान गरिएको छ ।