स्वा.कोईरालाको सम्झनामा शहीदको परिवारलाई घर बनाई दिदै,नेकपा (माओवादी केन्द्र) सर्लाहीको निर्णय

4.6k Shares


नेकपा (माओवादी केन्द्र) सर्लाहीले जिल्लाबाट जनयुद्धका क्रममा २०५५ साल कार्तिक १० गते पहिलो शहीद भएका इन्द्र कोइरालाको परिवारलाई ४ कोठे पक्की घर बनाईदिने भएको छ । श्रीमान इन्द्रले सहादत प्राप्त गरेपछि दुई छोरा दुई छोरीकी आमा लक्ष्मी कोइराला माईतीको सहारामा बस्दै आएकी छिन् । उनको सम्पतिको नाममा केहिपनि नरहेको वाईसीएल प्रदेश कमिटी संयोजक एवम् आवास निमार्ण समिती संयोजक शन्देस श्रेष्ठले जानकारी दिनुभयो  ।
निर्माणाधीन भवनको शनिवार माओवादी केन्द्रका जिल्ला संयोजक एवम् केन्द्रीय सदस्य अचुतम प्रसाद काफ्लेले शिलान्यास गर्नु भएको छ । शिलान्यास कार्यक्रममा सर्लाही क्षेत्र नं. ३ (ख) का प्रदेश सभासदस्य डिल्लि प्रसाद उप्रेती , नेकपा (माओवादी केन्द्र) सर्लाहीका सचिव कमल बुढाथोकी,बागमती नगरपालिका नगर प्रमुख भरतकुमार थापा,बरहथवा नगरपालिका नगर प्रमुख देवानन्द महतो लगाएतको सहभागिता रहेको संयोजक श्रेष्ठले बताउनु भयो  ।
भवनको अनुमानीत लागत रु २१ लाख रहेको संयोजक श्रेष्ठले बताउनु भयो । पार्टीका जिल्ला कमिटी सदस्य,केन्द्रिय सदस्य, जनप्रतिनिधिहरुबाट स्वैच्छिक चन्दा संकलन गरेर भवनको निर्माण सम्पन्न गरिने संयोजक श्रेष्ठको भनाई छ । भवन निर्माणका लागि बागमती नगरपालिकाले १२ बथानेमा जग्गा उपलब्ध गराएको संयोजक श्रेष्ठले जानकारी दिनुभयो । कोइरालाले सहादत प्राप्त गरेकै दिन कार्तिक १० गते उहाँकी श्रीमती लक्ष्मी कोइरालालाई भवन हस्तान्तरण गरिन संयोजक श्रेष्ठले जानकारी दिनु भयो ।

सम्बन्धित समाचार