काठमाडौं । लगानी बोर्डले दुईवटा अर्धजलाशययुक्त जलविद्युत् आयोजनामा २१ अर्ब रुपैयाँभन्दा बढीको लगानी स्वीकृत गरेको छ। प्रधानमन्त्री बालेन्द्र शाहको अध्यक्षतामा शुक्रबार बसेको लगानी बोर्डको ६८औँ बैठकले उक्त निर्णय गरेको हो।
नार खोला आयोजनाको अनुमानित लागत १० अर्ब ७५ करोड ४ लाख ९७ हजार रुपैयाँ रहेको छ भने सानी भेरी–३ आयोजनाको लागत १० अर्ब ४२ करोड ३३ लाख ६२ हजार रुपैयाँ रहेको छ। यी दुई आयोजनाको कुल लागत २१ अर्ब १७ करोड रुपैयाँभन्दा बढी छ।
लगानी बोर्डले स्वीकृत आयोजनाहरूको कार्यान्वयन सहज बनाउन तथा लगानीकर्तालाई प्रदान गरिने सेवा प्रभावकारी बनाउन कार्यालयका प्रमुख कार्यकारी अधिकृतलाई आवश्यक अधिकार प्रत्यायोजन गर्ने निर्णयसमेत गरेको छ।
यसैगरी, कृत्रिम बुद्धिमत्तालगायत नवीनतम सूचना प्रविधिमा आधारित पूर्वाधार परियोजनामा लगानी आकर्षित गर्ने र नवीकरणीय ऊर्जाको उपयोग, रोजगारी सिर्जना तथा आर्थिक विकासमा योगदान पुर्याउने परियोजनालाई प्राथमिकता दिने निर्णय भएको छ।