केन्द्रीय तहबाट खटिएका प्रतिनिधिको उपस्थितिमा जिल्ला तहमा आयोजित कार्यक्रमका क्रममा विवाद उत्पन्न भएको हो। प्रतिनिधि चयन तथा पार्टीको आगामी अधिवेशन प्रक्रियालाई लिएर असन्तुष्ट पक्षका नेता–कार्यकर्ताले प्रश्न उठाएपछि वातावरण तनावपूर्ण बनेको बताइएको छ।
कांग्रेसभित्र महाधिवेशनको तयारी अघि बढिरहेका बेला विभिन्न जिल्लामा प्रतिनिधि खटाउने विषयले विवादको रूप लिन थालेको छ। पार्टीको एक पक्षले आफूहरूसँग पर्याप्त समन्वय नगरी प्रतिनिधि तोकिएको भन्दै असन्तुष्टि जनाउँदै आएको छ।
यसअघि पनि कांग्रेसको असन्तुष्ट पक्षले ७७ वटै जिल्लामा केन्द्रीय प्रतिनिधि खटाएर अधिवेशनका प्रक्रिया अघि बढाउने तयारी गरेको थियो।
बागलुङमा देखिएको विवादले कांग्रेसभित्रको आन्तरिक मतभेद अझै पूर्ण रूपमा समाधान नभएको संकेत गरेको छ। यद्यपि, पार्टी नेतृत्वले निर्धारित समयमै अधिवेशनका प्रक्रिया अघि बढाउने बताउँदै आएको छ।
कांग्रेसभित्र पछिल्लो समय संस्थापन र असन्तुष्ट पक्षबीच महाधिवेशनको प्रक्रिया, प्रतिनिधि व्यवस्थापन तथा संगठनात्मक विषयमा मतभेद देखिँदै आएको छ। पार्टी एकताका लागि केही नेताहरूले पहलसमेत गरिरहेका छन्।