डा. शेखर कोइरालाद्वारा कांग्रेसमा एकताको आह्वान

1.6k Shares

काठमाडौं । नेपाली कांग्रेसका नेता डा. शेखर कोइरालाले पार्टीभित्र एकता कायम गर्न आह्वान गरेका छन्। उनले कांग्रेसमा देखिएको आन्तरिक विभाजन र गुटगत गतिविधिप्रति चिन्ता व्यक्त गर्दै पार्टीलाई एकताबद्ध बनाएर अघि बढ्नुपर्ने बताएका हुन्।

डा. कोइरालाले पार्टीको आन्तरिक विवाद र असमझदारीले संगठनलाई कमजोर बनाउने भन्दै नेताहरूबीच संवाद र सहकार्य आवश्यक रहेको बताएका छन्। उनले कांग्रेसको राजनीतिक आदर्श र मूल्य–मान्यतालाई आत्मसात् गर्दै पार्टीलाई बलियो बनाउनुपर्नेमा जोड दिएका छन्।

उनले बीपी कोइरालाले अघि सारेका लोकतान्त्रिक मूल्य, सिद्धान्त र विचारलाई आधार बनाएर कांग्रेसलाई एकताबद्ध रूपमा अघि बढाउनुपर्ने धारणा राखेका छन्। पार्टीभित्रको असहमति र मतभेदलाई संवादमार्फत समाधान गर्दै संगठन सुदृढ गर्नुपर्ने उनको भनाइ छ।

कांग्रेसमा आन्तरिक शक्ति सन्तुलन तथा आगामी महाधिवेशनलाई लिएर विभिन्न धारणा सार्वजनिक भइरहेका बेला कोइरालाको एकताका लागि गरिएको आह्वानलाई अर्थपूर्ण रूपमा हेरिएको छ।

 
 
 
सम्बन्धित समाचार