काठमाडौं । रसुवाका प्रमुख जिल्ला अधिकारी (सीडीओ) नरेन्द्र परियार गृह मन्त्रालयमा तानिएका छन् । जिल्लाको प्रशासनिक नेतृत्व सम्हालेको करिब दुई महिनामै उनलाई गृह मन्त्रालयमा फिर्ता बोलाइएको हो ।
परियारले केही समयअघि मात्रै रसुवाको प्रमुख जिल्ला अधिकारीको जिम्मेवारी सम्हालेका थिए ।
उनको स्थानमा राष्ट्रिय परिचयपत्र तथा पञ्जीकरण विभागका निर्देशक कमलप्रसाद पाण्डेलाई रसुवाको प्रमुख जिल्ला अधिकारी बनाएर पठाइएको छ ।
आइतबार भएको मन्त्रीस्तरीय निर्णयबाट पाण्डेलाई रसुवाको प्रमुख जिल्ला अधिकारीको जिम्मेवारी दिइएको हो ।
रसुवामा बाढीपछि उद्धार, राहत तथा पुनःस्थापनाको काम चलिरहेका बेला जिल्लाको प्रमुख प्रशासनिक नेतृत्व परिवर्तन भएपछि यो विषय कर्मचारीवृत्तमा चासोको विषय बनेको छ ।