काठमाडौँ । बागमती प्रदेश सरकारका मुख्यमन्त्री किरण थापामगरले आज प्रदेशसभाबाट विश्वासको मत लिने भएका छन्।
सोमबार विश्वासको मत लिने तयारी गरेका मुख्यमन्त्री थापामगरले सत्तारूढ दल नेपाली कम्युनिस्ट पार्टी (नेकपा) का चार सांसद अनुपस्थित भएपछि विश्वासको मत लिने प्रक्रिया रोकिएको थियो। त्यसपछि उनले मंगलबार विश्वासको मत लिन लागेका हुन्।
मुख्यमन्त्री थापामगरले विश्वासको मत लिने प्रयोजनका लागि सोमबार दिउँसो १ बजे प्रदेशसभाको बैठक बोलाइएको थियो। तर, नेकपाका चार सांसद सभामा उपस्थित नभएपछि बैठक राति ८ बजेका लागि सारिएको थियो। राति ८ बजेसम्म पनि सांसदहरू उपस्थित नभएपछि बैठक स्थगित गरिएको थियो।
नेकपा (एमाले) बाट मुख्यमन्त्रीमा नियुक्त भएका थापामगरलाई नेकपा र राष्ट्रिय प्रजातन्त्र पार्टी (राप्रपा) का केही सांसदको समर्थन रहेको छ। मुख्यमन्त्रीले आज विश्वासको मत लिन लागेसँगै बागमती प्रदेश सरकारको आगामी राजनीतिक समीकरणबारे चासो बढेको छ।