काठमाडौं । प्रधानमन्त्री वालेन्द्र शाह आज मुस्ताङ जाने भएका छन्। प्रधानमन्त्री कार्यालयका अनुसार उनी पोखरा हुँदै मुस्ताङ पुग्ने तयारीमा छन्।
प्रधानमन्त्री बनेपछि शाहको यो पहिलो मुस्ताङ भ्रमण हो। यद्यपि, उनी कति बजे काठमाडौं वा पोखराबाट मुस्ताङतर्फ प्रस्थान गर्ने भन्नेबारे प्रधानमन्त्री कार्यालयले खुलाएको छैन।
त्यस्तै, मुस्ताङ पुगेपछि प्रधानमन्त्री शाहले गर्ने औपचारिक कार्यक्रमबारे पनि विस्तृत विवरण सार्वजनिक गरिएको छैन। प्रधानमन्त्री कार्यालय स्रोतले उनको भ्रमणको पुष्टि गरे पनि भ्रमणको उद्देश्य र भेटघाटका कार्यक्रमबारे जानकारी नदिएको हो।
प्रधानमन्त्रीको मुस्ताङ भ्रमणलाई स्थानीयस्तरमा चासोका साथ हेरिएको छ। भ्रमणका क्रममा उनले जिल्लाको समसामयिक अवस्था, स्थानीय सरोकार तथा विकासका विषयमा जानकारी लिने सम्भावना रहे पनि औपचारिक कार्यक्रम सार्वजनिक नभएसम्म त्यसबारे यकिन भएको छैन।