‘छलफल मात्रै’ भन्दै गएका प्रचण्डले गरे लिखित सहमति, माधव नेपाल पक्ष असन्तुष्ट

1.4k Shares

ओलीसँग प्रदेश सरकारबारे छलफल मात्र हुने जानकारी दिएर भेट्न गएका नेकपा संयोजक पुष्पकमल दाहाल ‘प्रचण्ड’ ले तीनबुँदे लिखित सहमति गरेपछि सहसंयोजक माधवकुमार नेपाल पक्ष असन्तुष्ट बनेको छ।

नेपाल निकट नेताहरूका अनुसार पार्टीभित्र कुनै छलफल वा निर्णय नगरी गरिएको सहमतिले गम्भीर असन्तोष सिर्जना गरेको छ। उनीहरूले यसलाई ‘हतारो’ निर्णय भन्दै यसले पार्टीको हित नगर्ने र कांग्रेससँगको दूरी बढाउने चिन्ता व्यक्त गरेका छन्।

भाषणमा सरकार ढाल्ने खेलको विरोध, भोलिपल्टै प्रदेश सत्ता बाँडफाँटमा सहमति

पुष्पलाल स्मृति दिवसमा सरकार बनाउने–ढाल्ने खेलमा लागे वामपन्थी शक्तिहरू कमजोर हुने चेतावनी दिएका प्रचण्डले त्यसको २४ घण्टाभित्रै एमाले अध्यक्ष केपी शर्मा ओलीसँग प्रदेश सरकारको नेतृत्व बाँडफाँट गर्ने तीनबुँदे सहमतिमा हस्ताक्षर गरे।

यही विषयलाई लिएर पार्टीभित्र प्रचण्डको अभिव्यक्ति र व्यवहारबीच विरोधाभास देखिएको भन्दै प्रश्न उठेको छ। नेपाल पक्षले पूर्वछलफलविनाको सहमतिले पार्टीलाई अप्ठ्यारोमा पार्ने र एमालेसँगको सम्बन्धले कांग्रेससँगको राजनीतिक दूरी बढाउने चिन्ता व्यक्त गरेको छ।

 
 
 
सम्बन्धित समाचार