लामो विवादपछि रास्वपाको बन्दसत्र सुरु

1k Shares

 

राष्ट्रिय स्वतन्त्र पार्टी (रास्वपा) को लामो प्रतीक्षापछि बन्दसत्र सुरु भएको छ। चितवनमा जारी पहिलो महाधिवेशनअन्तर्गत प्रतिनिधिहरूको सूची टुंगिएपछि रोकिएको बन्दसत्र अन्ततः अघि बढाइएको हो।

बन्दसत्र सुरु हुनुअघि प्रतिनिधि चयन र नामावलीमा देखिएको विवादले कार्यक्रम केही समय प्रभावित भएको थियो। निर्वाचन समितिले करिब ३ हजार ८ सयभन्दा बढी प्रतिनिधि सहभागी हुने जानकारी दिएपछि बन्दसत्रको प्रक्रिया पुनः अघि बढाइएको हो।

बन्दसत्रमा पार्टीको संगठनात्मक संरचना, नीति–कार्यक्रम, आगामी कार्यदिशा तथा नेतृत्व चयनसम्बन्धी महत्वपूर्ण छलफल हुने अपेक्षा गरिएको छ। महाधिवेशनमा सभापतिको नेतृत्वमा रास्वपाले आफ्नो भावी राजनीतिक रणनीति तय गर्ने तयारी गरेको छ।

यसअघि प्रतिनिधि नामावलीमा देखिएको विवादका कारण कार्यक्रम अवरुद्ध भएको थियो भने विभिन्न पक्षले पारदर्शिता र समावेशिताबारे प्रश्न उठाएका थिए। अब बन्दसत्र सुरु भएपछि ती विवादहरूलाई आन्तरिक प्रक्रियाबाट सम्बोधन गर्ने तयारी गरिएको पार्टी स्रोतले जनाएको छ।

सम्बन्धित समाचार