ब्राजिलियन फुटबल स्टार नेयमार घाइते भएका छन् । दायाँ खुट्टाको मांसपेशीमा ‘ग्रेड टु’ चोट लागेका कारण उनले विश्वकप–२०२६ को पहिलो खेल गुमाउन सक्ने सम्भावना बढेको छ ।
मेडिकल परीक्षणपछि नेयमारको मांसपेशी आंशिक रूपमा च्यातिएको पुष्टि भएको छ । चिकित्सकहरूका अनुसार उनी पूर्ण रूपमा निको हुन कम्तीमा दुईदेखि तीन हप्ता लाग्नेछ ।
यससँगै उनले पानामा र इजिप्टविरुद्धका मैत्रीपूर्ण खेल गुमाउने निश्चित भएको छ । जुन १३ मा मोरक्कोविरुद्ध हुने ब्राजिलको पहिलो विश्वकप खेलमा उनको सहभागिता पनि अनिश्चित बनेको छ ।
ब्राजिलका टोली चिकित्सक रोड्रिगो लास्मारले चोट गम्भीर रहेको बताएका छन् । प्रशिक्षक Carlo Ancelotti लाई अन्य खेलाडी अनुपस्थितिका कारण टोली व्यवस्थापनमा थप चुनौती परेको छ ।
नेयमारले ब्राजिलका लागि १२८ खेलमा ७९ गोल गरिसकेका छन् । यो उनको चौथो विश्वकप हुने तयारी थियो ।