3.2k
Shares
काठमाडौं, ८ साउन । साताको कारोबारको अन्तिम दिन आज शेयर बजार परिसूचक (नेप्से) झिनो अंकले बढेको छ । आज नेप्से परिसूचक ४.४८ अङ्कले बढेर २ हजार ९ सय ८३ दशमलव ३६ को विन्दुमा रोकिएको छ ।
नेप्से झिनो अंकले बढे पनि कारोबार रकम भने उत्साहजनक रहेको छ । आज कूल १८ अर्ब ४९ करोड ४ लाख रुपैयाँ बराबरको शेयर कारोबार भएको छ । आज कारोबार भएका मध्ये १२३ वटा कम्पनीको शेयर मूल्य बढेको छ भने १२७ वटा कम्पनी शेयर मूल्यमा गिरावट आएको छ ।