तिज घरमै बसेर मनाउन उप प्रमुख लामाको आग्रह

5.7k Shares

सर्लाहीको लालबन्दी नगरपालिकाले नजिकिदै गरेको नेपाली नारीहरुको महान पर्व हरितालिका तिज यस बर्ष घरमै बसेर मनाउन नगरबासी महिला दिदि बहिनीहरुमा अनुरोध गरेको छ । विश्वरभर महामारीको रुपमा फैलिरहेको कोरोना भाईरस (कोभिड १९) को संक्रमणको जोखिम बढेको भन्दै नगरपालिकाले यस बर्षको तिज कुनै जमघट नगरी घरमै बसेर मनाउन आग्रह गरेको हो ।
लालबन्दी नगरपालिकाकी उपप्रमुख शान्ती लामाले नेपाली महिलाहरुको महान पर्व हरितालिका तीजमा कुनै जमघट, भेला, पार्टि नगरि आफ्नै घरमा बसी सुरक्षित तरिकाले मनाउन नगरबासी महिला दिदी बहिनीहरुमा आग्रह गर्नुभएको छ । 
नेपाली महिलाहरूको महान पर्व हरितालिका तिजको उपलक्ष्यमा स्वदेश तथा विदेशमा रहनुभएका सम्पुर्ण महिला दिदीबहिनीहरुमा सुख, शान्ति, समृद्धि र सु(स्वास्थ्य दिर्घायुको कामना सहित बिश्वभर महामारीको रुपमा फैलिएको कोरोना भाइरस (कोभिड १९) लाई मध्यनजर गर्दै सुरक्षित रहि तीजमनाउन हुन हार्दिक अनुरोध गर्दछु । साथै आफू पनि बचौ र समाजलाई पनि बचाउ हरितालिका तिजको सम्पुर्णमा शुभकामना उप प्रमुख लामाले आफ्नो सन्देशमा उल्लेख गर्नु भएको छ ।
नेपाली महिला दिदीवहिनीहरुले विशेष महत्वका साथ मनाउने हरितालिका तीज पर्वले आपसी सदभाव, सामाजिक मूल्य मान्यता, सांस्कृतिक पहिचानको संरक्षण, संवैधानिक अधिकारहरुको सुनिश्चितता र पारिवारिक सम्वन्ध सुमधुर गर्नमा अहम् भुमिका निर्वाह गरोस् भन्ने विश्वास समेत उहाँले व्यक्त गर्नुभएको छ ।

सम्बन्धित समाचार