चन्द्रनगर गाउँपालिका अध्यक्ष महतो अनियमितता र भ्रष्टाचारमा लिप्त भएका भन्दै उपाअध्यक्ष गीतादेवी सहित बहुमत जनप्रतिनिधिहरुको विरोध

1.9k Shares

सर्लाहीको चन्द्रनगर गाउँपालिकामा जनप्रतिनिधिहरु बिचको आन्तरिक द्वन्द्वका कारण चालू आर्थिक वर्षको वार्षिक बजेट,नीति तथा कार्यक्रम आउन सकेको छैन् ।चन्द्रनगर गाउँपालिकाले चालु आर्थिक वर्ष २०८०/०८१ को पहिलो ४ महिना पुरा हुँदा समेत वार्षिक बजेट,नीति तथा कार्यक्रम ल्याउन नसकेको हो ।गाउँ कार्यापालिकामा १५ जना जनप्रतिनिधिहरु मध्य १२ जना जनप्रतिनिधिहरु गाउँपालिका उपा अध्यक्ष गीता देवी महतोको पक्षमा छन् भने विपक्षमा अध्यक्ष राज कुमार महतो सहित ३ जना जनप्रतिनिधिहरु रहेका छन्।त्यस्तै,३९ जना गाउँ सभा सदस्यहरु मध्य ३० जना गाउँ सभा सदस्यहरु गाउँपालिका उपा अध्यक्ष गीतादेवीको पक्षमा छन् भने ९ जना गाउँ सभा सदस्यहरु मात्र गाउँपालिका अध्यक्ष महतोको पक्षमा रहेका छन् ।
अल्पमतमा रहेका अध्यक्ष महतोले बहुमतलाई वेवास्था गर्दै आफुखुसी निर्णयहरु गर्दै भ्रष्टाचार गर्ने र आफुखुसी निर्णय गर्न नपाए कार्यक्रमहरु गर्न नदिने र त्यसको आरोप आफु उपर लगाउने गरेका उपाध्यक्ष गीता देवीले बताइन् ।आफुहरु रहरले नभई बाध्य भएर गाउँपालिका अध्यक्ष महतोको विपक्षमा बोल्नु परेको चन्द्रनगर गाउँपालिका ३ का वडा अध्यक्ष सिताराम महतोले बताए ।चालु आर्थिक वर्ष २०८०/०८१ को वार्षिक बजेट,नीति तथा कार्यक्रमहरु असार १० गते नै गाउँसभा गरेर ल्याउनुपर्नेमा प्रावधान रहेको भएपनि गाउँपालिका अध्यक्ष महतोले गाउँपालिकालाई कब्जा गरी आफ्नो स्वार्थ शिद्ध नहुँदा सम्म गाउँ सभा हुन नदिएको  उपा अध्यक्ष गीतादेवीले बताईन् ।उनका अनुसार गाउँपालिका अध्यक्ष महतोले आफुहरु बहुमतमा रहेको भएपनि कुनै सल्लाह नगरी आफुखुुसी काम गर्ने गरेका कारण विरोध गर्नु परेको हो ।
गाउँ सभा नहुँदा गाउँपालिकाका सबै कर्माचारीहरु एवम शिक्षकहरुले तलब भत्ता खान नपाएका,सामाजिक सुरक्षा भत्ता लिने लाभग्राहीहरुले सामाजिक सुरक्षा भक्ता नपाएका,उपभोक्ताहरुको करिब ६ करोड भुक्तानी गर्न बाँकी रहेको साथै गाउँपालिकाको सबै विकास निर्माणका कामहरु ठप्प भएको अवस्थामा आफुहरुले पटक पटक गाउँ सभा गर्न आग्रह गरेको भएपनि गाउँपालिका अध्यक्ष महतोले अनाकानी गरि रहेको उपा अध्यक्ष महतोको भनाई छ ।गाउँ सभा गर्न बहुमत जनप्रतिनिधिहरुले ४ पटक निवेदन दर्ता गराएको भएपनि अध्यक्ष महतोले गाउँपालिकालाई बन्धी बनाएको उपाध्यक्ष गीता देवीको भनाई छ।  आर्थिक वर्ष २०७९÷०८० को हिसाब माग्दा असार २७ गते दिने बताएका गाउँपालिका अध्यक्ष महतोले हाल सम्म पनि हर हिसाब नदिएको चन्द्रनगर गाउँपाकिला ३ का वडाअध्यक्ष महतोले बताए । विकास निर्माणको कामको कार्यादेश  प्रमुख प्रशासकीय अधिकृतले दिनु पर्ने प्रावधान भएपनि गाउँपालिका अध्यक्ष महतोले सो अधिकार आफैले प्रयोग गरेको उनले बताए ।
गाउँपालिका अध्यक्ष महतोले आर्थिक वर्ष २०७९÷०८० को वार्षिक बजेटमा कुन योजनाका लागि कति रकम छ ?भन्ने कुरा गाउँपालिका उपाअध्यक्ष गीतादेवी सहित कुनैपनि वडा अध्यक्षहरुलाई जानकारी नै नगराई आफुखुसी खर्च गरेका,आर्थिक वर्ष २०७९÷०८० को गाउँपालिकाको वार्षिक बजेट,नीति तथा योजना समेटिएको पुस्तक हाल सम्म पनि प्रकाशन नगरेका,वडा अध्यक्षहरुको अधिकार हनन् गर्न लागि परेका,संघिय कानुनसंग बाँझिने गरी ऐन नियमावाली कार्यविधि तथा संघिय सरकारले विकास निर्माणको काम गर्दा गाउँपालिका अध्यक्ष महतोसंग पुर्व स्विकृत लिनु पर्ने बाध्यकारी कानुन बनाएका,गाउँपालिकामा स्थायी कर्माचारीहरु हुँदा हुँदै आसेपासेलाई पोस्न करारका कर्माचारीलाई योजना शाखाको जिम्मा दिएका,आफ्नो स्वमीत्वमा राखेको रकम कुन कुन शिर्षकमा खर्च गरे भन्ने हर हिसाब देखाउन नसकेका उपाध्यक्ष गीता देवीले बताईन् ।
गाउँपालिकालाई गैर सरकारीकरण गर्न लागेका गाउँपालिका अध्यक्ष महतोले ८ करोड भन्दा बढी बजेट कुनुकुन काममा खर्च गरे,जनतासंग कुरा नामक कार्यक्रममा ७ लाख,धामी सम्मेलनमा १० लाख,सोहजन वितरणमा २२ लाख,पत्रपत्रिका खर्च ५७ लाख तथा १ वर्षमा ४ सय ७२ वटा कार्यक्रमहरु सञ्चालन गरेको भन्दै रकम सकाउने र भ्रष्टाचार गर्ने काम गरेको र सो रकमको हर हिसाब जनतालाई स्पष्ट रुपमा देखाउन आफुहरुले माग गर्दा आफुले भ्रष्टाचार गरेको फर्दाफाँस हुने भएपछि अध्यक्ष महतो अतालिएको चन्द्नगर गाउँपालिका ३ का वडा अध्यक्ष महतोले बताए ।उनले एक वर्षमा अध्यक्ष महतोले गरेको इन्धन खर्च नै भ्रष्टाचारको प्रमाण रहेको समेत बताएका छन् ।
राष्ट्रिय योजना आयोगबाट आएको रु १ करोड र गाउँपालिकाको विकासको लागि आएको रकमबाट रु २२ लाख गरी गाउँपालिका अध्यक्ष महतोले “सोहजन आन्दोलन”को नाममा १ करोड २२ लाख अनियमितता गर्न खोजेका चन्द्रनगर गाउँपालिका ७ का वडा अध्यक्ष दिपेन्द्र कुमार चौधरीको आरोप छ ।आफुहरु चन्द्रनगर गाउँपालिकाको विकास गर्न निर्वाचित भएको र सबैको ध्यान तेता तिर जानुको सट्टा गाउँपालिका अध्यक्ष महतोको ध्यान अनियमितता र भ्रष्टाचार तिर गएका कारण आफुहरुले विरोध गर्नु परेको चन्द्रनगर गाउंपालिका ४ का वडा अध्यक्ष राजिव सिंह दनुवारले बताए ।
जिल्लाको हरिपुर्वामा प्रमुख प्रशासकीय अधिकृतको विषयलाई लिएर उत्पन्न विवादले नगर सभा हुन सकेको छैन् भने चन्द्रगर र बसबरिया गाउँपालिकामा जनप्रतिनिधिहरु विचको विवादका कारण गाउँ सभा नहुँदा गाउँ षउँको सिंह दरबराको अस्तित्व धरापमा परेको जानकारहरु बताउँछन् । तर गाउँपालिका अध्यक्ष महतोले आफु चोखिन उपा अध्यक्ष गीतादेवी सहित बहुमत जनप्रतिनिधिहरुलाई विभिन्न किसिमका अपुष्ट आरोपहरु लगाएका छन् ।

सम्बन्धित समाचार