समृद्धि सहकारीको १४ औं वार्षिक साधारण सभा सम्पन्न, ४७ लाख नाफा,

4.2k Shares

सर्लाहीको हरिवन नगरपालिका ११ मा रहेको समृद्धि बचत तथा ऋण सहकारी संस्थाले आफ्नो १४ औं वार्षिक साधारण सभा गरेको छ । हरिवन नगरपालिका ११ मा रहेको संस्थाको आज(बुधबार) आफ्नो १४ औं वार्षिक साधारण सभा सम्पन्न गरेको हो ।
संस्थाले गएको आर्थिक वर्ष २०७७÷०७८ मा रु ४७ लाख ७० हजार २ सय ३४ रुपैयाँ खुद मुनाफा आर्जन गरेको थियो भने रु १५ करोड ३९ लाख ३१ हजार ६ सय ८६ रुपैयाँ कूल कारोवार गरेको संस्थाका प्रवन्धक चिरञ्जीवी भट्टराईले जानकारी दिनु भयो ।
साधारण सभामा संस्थाले ज्येष्ठ नागरिक, बाल बचतकर्ता, असल ऋणी र उत्कृष्ट बचतकर्ता गरी २१ जनालाई सम्मान पत्र र खादा ओढाएर सम्मान समेत गरेको छ । ज्येष्ठ नागरिकहरुलाई समृद्धिको सहाराका लागि छडी भन्ने नारासहित एक÷एक थान छडी समेत प्रदान गरिएको संस्थाका अध्यक्ष इन्द्र पाठकले जानकारी दिनु भयो ।
संस्थाका अध्यक्ष पाठकको अध्यक्षता तथा पुर्व श्रम रोजगार तथा सामाजिक सुरक्षा मन्त्री एवम सर्लाही क्षेत्र नंं. ३ का प्रतिनिधि सभा सदस्य रामेश्वर राय यादवको प्रमुख आतिथ्यतामा भएको कार्यक्रममा जिल्ला समन्वय समिति सर्लाहीकी उप सभापति जमुना पौडेल, प्रदेश २ को भूमि व्यवस्था, कृषि तथा सहकारी मन्त्रालयकी सचिव डा. नम्रता सिंह, राष्ट्रिय सहकारी बैङ्क हरिवन शाखाका प्रमुख नारायण लामिछाने लगायतको विशेष उपस्थिती रहेको थियो ।
यसैगरी संस्थाको १४ आँै वार्षिक साधारण सभाले अर्जुन पन्तको अध्यक्ष रहनेगरी सर्वसम्मत रुपमा ११ सदस्यीय नयाँ कार्य समिति चयन गरेको छ । समितिको उपाअध्यक्षमा डाकुरनाथ खतिवडा, सचिवमा सुरेश कुमार भट्टराई,कोषाअध्यक्षमा कृष्ण प्रसाद प्रसाई सर्वसहमत चयन भएका संस्थाका नव गठित समितिका सचिव भट्टराईले जानकारी दिनु भयो । उहाँका अनुसार बासुदेव निरौलाको संयोजकत्वमा ३ सदस्यीय लेखा समिति समेत संस्थाको बन्द सत्रले चयन गरेको छ ।

सम्बन्धित समाचार