तीन महिनाभित्र स्वास्थ्य सेवा निःशुल्क नभए आमरण अनशन बस्ने रास्वपा सांसदको घोषणा

1.1k Shares

काठमाडौं । राष्ट्रिय स्वतन्त्र पार्टी (रास्वपा) का एक सांसदले सरकारले आगामी तीन महिनाभित्र स्वास्थ्य सेवा निःशुल्क गर्ने व्यवस्था लागू नगरे आफू आमरण अनशनमा बस्ने घोषणा गरेका छन्।

सांसदले स्वास्थ्य सेवा नागरिकको आधारभूत आवश्यकतासँग जोडिएको विषय भएकाले राज्यले सबै नागरिकलाई सहज र निःशुल्क स्वास्थ्य सेवा उपलब्ध गराउनुपर्ने बताएका छन्।

उनले स्वास्थ्य उपचार महँगो हुँदा आर्थिक अवस्था कमजोर भएका नागरिक थप समस्यामा पर्ने गरेको उल्लेख गर्दै सरकारले स्वास्थ्य क्षेत्रलाई प्राथमिकतामा राख्नुपर्नेमा जोड दिएका छन्।

सांसदले तीन महिनाभित्र स्वास्थ्य सेवा निःशुल्क बनाउने ठोस व्यवस्था गर्न सरकारलाई आग्रह गर्दै त्यसो नभए आफूले आमरण अनशन सुरु गर्ने चेतावनी दिएका हुन्।

यसअघि पनि स्वास्थ्य सेवामा पहुँच विस्तार, विपन्न नागरिकको निःशुल्क उपचार तथा सरकारी अस्पतालको सेवा सुधारका विषयमा विभिन्न माग उठ्दै आएका छन्। सरकारले सरकारी तथा निजी अस्पतालमा निश्चित प्रतिशत शय्या निःशुल्क उपलब्ध गराउने व्यवस्था कार्यान्वयनमा ल्याएको छ।

सरकारले जेन–जी आन्दोलनका घाइते तथा प्रभावित परिवारका लागि स्वास्थ्यलगायतका क्षेत्रमा सहयोग गर्ने गरी छुट्टै समन्वय तथा सहजीकरण समिति समेत गठन गरेको छ।

स्वास्थ्य सेवा निःशुल्क बनाउने विषय रास्वपाको सार्वजनिक राजनीतिक दस्तावेजमा समेत समेटिएको छ।

सम्बन्धित समाचार