डढेलोले आक्रान्त बेलायतमा गोर्खाको साथ

1.1k Shares

लायतमा पछिल्लो समय फैलिएको भीषण डढेलो नियन्त्रण तथा उद्धार कार्यमा गोर्खा सैनिक परिचालन गरिएको छ। अत्यधिक गर्मी र सुख्खा मौसमका कारण विभिन्न क्षेत्रमा डढेलो फैलिँदा अग्निनियन्त्रक टोलीमाथि दबाब बढेपछि बेलायती सेनाले सहयोगका लागि सैनिक परिचालन गरेको हो।

दक्षिण वेल्समा गोर्खा लजिस्टिक्स रेजिमेन्टका करिब १०० सैनिक तथा रोयल इन्जिनियर्सका सैनिकहरू अग्निनियन्त्रण अभियानमा खटिएका छन्। उनीहरूले आगो फैलिन नदिन अग्निरेखा बनाउन खाल्डा खन्ने, पानी ओसार्ने तथा अग्निनियन्त्रक टोलीलाई आवश्यक सहयोग गर्ने काम गरिरहेका छन्।

बेलायतमा पछिल्लो डढेलोको अवस्था गम्भीर बनेको छ। देशका विभिन्न भागमा दर्जनौँ डढेलोका घटना सक्रिय रहेका छन् भने केही क्षेत्रमा ठूलो आपत्काल घोषणा गरिएको छ। अत्यधिक तापक्रम, लामो समयदेखिको सुख्खा अवस्था र तातो मौसमले डढेलो फैलिने जोखिम थप बढाएको बताइएको छ।

गोर्खा सैनिकहरू बेलायती सेनाको महत्वपूर्ण हिस्सा हुन् र विभिन्न विपद् तथा सैन्य अभियानमा उनीहरूको भूमिका रहँदै आएको छ। अहिले डढेलो नियन्त्रणमा परिचालनले पनि गोर्खा सैनिकहरूको आपत्कालीन सहयोग क्षमतालाई देखाएको छ।

सम्बन्धित समाचार